NERI BEHRINGER

Neri ka jetuar prej 10 vitesh në Gjermani, duke ndjekur një rrugë plot sfida dhe ndryshime. Ajo ka mbaruar studimet për gjuhë të huaja dhe flet 6 gjuhë, duke pasur një pasion të pashuar për mësimin e gjuhëve të reja. Ky pasion e ka shtyrë gjithmonë të zgjerojë horizontet dhe të eksplorojë botën me kureshtje.

Jeta i ka sjellë ndryshime dhe vendimi për të jetuar në Gjermani ishte një hap i madh dhe i guximshëm për të. Gjatë viteve, Neri ka punuar në profesione të ndryshme, gjithmonë duke kërkuar diçka më shumë për të ofruar. Me kalimin e kohës, ajo gjeti rrugën e saj drejt shërimit shpirtëror dhe kuptoi se ky ishte misioni i saj i vërtetë.

Ndihma për të tjerët ka qenë gjithmonë pjesë e saj, por dikur nuk e dinte se si dhe ku ta shprehte këtë ndjenjë. Vetëdija e saj u thellua pasi filloi të shëronte ‘plagët’ e saj, gjë që e ndihmoi të gjejë veten. Neri ka studiuar dhe trajnuar në Theta Healing, Akashik Records dhe Hipnozë, duke bashkëpunuar me mentorë të njohur në mbarë botën.

Tani, ajo është e vendosur të ndajë me të gjithë rrugetimin dhe eksperiencën e saj, për të treguar se shërimi është i mundur. Neri beson se njerëzit janë më shumë se ajo që duket dhe të gjithë mbajnë brenda vetes dashuri dhe një magji të mrekullueshme që pret të shpaloset.

Te Punë Zemre, ajo do na drejtojë në një meditim pastrimi dhe qartësimi përsa i përket pengesave dhe bllokimeve që ne hasim profesionalisht dhe sidomos për begatinë, duke na ofruar dhe këshilla si këto çbllokime mund ti bëjmë duke punuar me nënvetëdijen dhe besimet tona.