LIRIM KRASNIQI

Lirim Krasniqi është një studiues dinamik dhe analist me aftësi të forta udhëheqëse me fokus në inovacion dhe ndërmarrësi. Ai është diplomuar në Politikë Krahasuese dhe Ekonomi Politike nga Universiteti i Evropës Qendrore (CEU) në Vjenë, Austri. Me mbi 10 vjet përvojë në shoqërinë civile, Lirimi është i specializuar në angazhimin e diasporës, mbledhjen e fondeve dhe zhvillimin e partneritetit.

Që nga viti 2018, Lirimi është përfshirë aktivisht me GERMIN, organizatën lider që lidh diasporën shqiptare me vendlindjet, ku aktualisht shërben si Bashkëdrejtor Ekzekutiv. Ai ka udhëhequr projekte të shumta që nxisin lidhje domethënëse midis diasporës dhe vendeve të tyre të origjinës. Si anëtar themelues i programit OriginAL, ai luajti një rol kyç në nisjen e këtij shkëmbimi transformues kulturor dhe arsimor për të rinjtë shqiptarë në diasporë.

Lirim Krasniqi gjithashtu ka kontribuar në hulumtime të ndryshme dhe raporte të politikave, duke ofruar analiza dhe përmbledhje të hollësishme të politikave që formësojnë diskutimet për migrimin, diasporën dhe zhvillimin për organizatat vendore dhe ndërkombëtare.

Në bisedë me të te Punë Zemre do të diskutojmë si diaspora shqiptare në botë mund të angazhohet profesionalisht përmes projekteve dhe programeve të shumta që inkurajojnë dhe promovojnë këto nisma. Një diskutim interesant për këdo është apo po konsideron për t’iu bashkuar diasporës shqiptare.